«Փրկություն» հաշմանդամ երեխաների և երիտասարդների կենտրոն ԲՀԿ-ն հիմնադրվել է 17.10.1997թ. և վերագրանցվել 15.05.2003, 21.03.2007թ, 06.12.2017թթ.:
Առաքելություն
Նպաստել հաշմանդամ երեխաների և երիտասարդների սոցիալական, կրթական և առողջապահական, ինչպես նաև նրանց ընտանիքների հիմնախնդիրների լուծմանը ուսուցման, քարոզչության, իրավունքների պաշտպանության, խորհրդատվության, բուժծառայությունների տրամադրման և միջնորդավորման միջոցով` նպատակ ունենալով նրանց լիարժեք ինտեգրել հասարակություն:
Մեր Առօրյան
1.Նպատակներ/Խնդիրներ
Նպաստել մտավոր խնդիրներ ունեցող դեռահասների և երիտասարդների մասնագիտական որոշակի հմտությունների ձեռքբերմանը` զարգացնելով նրանց աշխատանքային հնարավորությունները` մտավոր ունակությունների սահմաններում սոցիալական ծառայությունների մատուցման միջոցով:
2.Նպատակներ/Խնդիրներ
Նպաստել հաշմանդամություն ունեցող՝ մասնավորապես մտավոր խնդիրներ ունեցող դեռահասների և երիտասարդների ինտեգրմանը` իրականացնելով սոցիալ-մշակութային ծրագրեր:
3.Նպատակներ/Խնդիրներ
Նպաստել հաշմանդամ երեխաների և երիտասարդների բուժօգնության կազմակերպմանը` ըստ նրանց կարիքների:
4.Նպատակներ/Խնդիրներ
Քարոզարշավի միջոցով նպաստել հասարակության իրազեկման բարձրացմանը` հաշմանդամների ( մասնավորապես մտավոր խնդիրներ ունեցող) հիմնախնդիրներին և կարողություններին, ինչպես նաև նրանց իրավունքների մասին:
Նշված նպատակները նպաստում են մտավոր խնդիրներ ունեցող շահառուին հակահասարակական արարքներից զերծ պահելուն, իսկ ընտանիքին ընձեռում աշխատելու հնարավորություն` դուրս բերելով աղքատության նպաստառու ընտանիքների շարքից: Կենտրոնը հնարավորություն է տալիս շահառուին ապրել ընտանիքում, որն էլ իր հերթին նպաստում է մանկատների և հատուկ տիպի հաստատությունների բեռնաթափմանը:
Բազմամասնագիտական թիմ
Հատուկ մանկավարժ- անհատական և խմբային աշխատանքն ուղղված է շահառուի ճանաչողական ոլորտի ձևավորմանն ու զարգացմանը, ուշադրության կենտրոնացմանը, ինչպես նաև ժամանակի ու տարածքի ճիշտ ընկալմանը:
Հատուկ մանկավարժ
Հատուկ հոգեբան- անհատական և խմբային պարապմունքներն ուղղված են հիմնականում շահառուի սոցիալ-հուզական վարքի ձևավորմանը և հոգեբանական խնդիրների հաղթահարմանը, ինչպես նաև ինքնավստահության ձեռքբերմանը և հաղորդակցման հմտությունների զարգացմանը:
Հատուկ հոգեբան
Լոգոպեդ- անհատական և խմբային պարապմունքներն ուղղված են բանավոր խոսքի զարգացմանն ու վերարտադրմանը, ինչպես նաև խոսքի իմաստային ընկալմանը և խոսքային խնդիրների հաղթահարմանը:
Լոգոպեդ
Էրգոթերապիստ-անհատական և խմբային պարապմունքներն ուղղված են շահառուների ինքնասպասարկման և անկախ կյանք վարելու հմտությունների, ինչպես նաև կենցաղավարման հմտությունների զարգացմանը:
Էրգոթերապիստ
Սոցիալական աշխատող- անհատական և խմբային աշխատանքներն ուղղված են շահառուի սոցիալիզացիային և սոցիալական հմտությունների զարգացմանն ու ամրապնդմանը, ինչպես նաև սոցիալական աշխատողը հանդիպումներ է իրականացնում ծնողի կամ օրինական ներկայացուցչի հետ, արդյունքում կազմում շահառուի սոցիալական պատմությունը, անհրաժեշտության դեպքում մասնագետների՝ մանկավարժի և հատուկ հոգեբանի հետ միասին կատարում է տունայց՝ շահառուի սոցիալ-տնտեսական պայմանների գնահատման նպատակով:
Սոցիալական աշխատող
Պարգևատրումներ
2002թ
ՀՀ Աշխատանքի և սոցիալական հարցերի նախարարություն
2003թ
«Գարեգին Նժդեհի» անվան Հուշամեդալ-Շենգավիթ համայնքի թաղապետարան
2005թ
ՀՀ Ազգային ժողովի նախագահի կողմից
Շենգավիթ համայնքի թաղապետարան
2007թ
ՀՀ Վարչապետ-Երեխաների իրավունքների պաշտպանության օրվա առթիվ
ՀՀ Վարչապետ-Հաշմանդամների միջազգային օրվա առթիվ
ՀՀ Աշխատանքի և սոցիալական հարցերի նախարարություն-Կազմակերպության 10-ամյակ
2012թ
Արաբկիր համայնքի թաղապետարան
ՀՀ Աշխատանքի և սոցիալական հարցերի նախարարություն-Կազմակերպության 15-ամյակ
Շենգավիթ համայնքի թաղապետարան
2013
Երևանի քաղաքապետարան
2014թ
ՀՀ Մշակույթի նախարարություն
2015թ
ՀՊՄՀ, Հատուկ կրթության ֆակուլտետ
ՀՀ ԱԻՆ
2016թ
ՀՀ Սպորտի և երիտասարդության հարցերի նախարարություն
2017թ
«Երախտագիտության» մեդալ ՀՀ Նախագահի կողմից
ՀՀ Ազգային ժողովի նախագահի կողմից-Կազմակերպության 20-ամյակի առթիվ
Երևանի Քաղաքապետարան- Կազմակերպության 20-ամյակի առթիվ
ՀՀ Սպորտի և երիտասարդության հարցերի նախարարություն
2018թ
ՀՀ Սպորտի և երիտասարդության հարցերի նախարարություն
ՀՀ Ռաֆթինգի ֆեդերացիա
2019թ
ՀՀ Կրթության, գիտության, մշակույթի և սպորտի նախարարություն
<Ներառականություն հանուն ներդաշնակ հասարակության> ՀԿ
