«Փրկություն» ՀԿ-ն 1999թ.-ին Շենգավիթ համայնքի թիվ 146 մանկապարտեզում հատկացված տարածքում ստեղծեց ՀՀ-ում գործող միակ Ցերեկային խնամքի և առօրյա զբաղվածության կենտրոնը մտավոր խնդիրներ ունեցող դեռահասների և երիտասարդների համար, որը 2017թ.-ին ՀՀ Աշխատանքի և սոցիալական հարցերի նախարարության կողմից հավաստագրվել է սոցիալական ծառայություններ տրամադրելու գործունեություն իրականացնելու համար:

Ցերեկային Կենտրոն

Հատուկ մանկավարժ
Հատուկ հոգեբան
Էրգոթերապիստ
Լոգոպեդ
Սոցիալական աշխատող

Բազմամասնագիտական Թիմ

Կենտրոնում գործում են արվեստի խմբակներ, որոնք նպաստում են շահառուների արհեստագործական տարրական հմտությունների ձևավորմանը, զբաղվածության ապահովմանը և ստեղծագործական մտքի զարգացմանը, որը հնարավորություն է տալիս շահառուներին ինքնաարտահայտվելու, իր մտավոր կարողությունների սահմաններում ինքնուրույն որոշելու նախատեսվող պատրաստվող աշխատանքը:

Խմբակներ

Կենտրոնի շահառուները 20 տարի շարունակ խնամում և բարեկարգում են իրենց այգին, որը հնարավորություն է տալիս աշխատանքային թերապիայի միջոցով մասնակցել ծառատունկին, այգու ոռոգմանը, ծաղիկների խնամքին, ինչպես նաև սեզոնային բերքահավաքին, որն իրականացվում է մեծագույն խանդավառությամբ: Այգու բերքն ու բարիքը բնականաբար օգտագործվում է շահառուների սննդի համար:

Աշխատանքային Թերապիա

Յուրաքանչյուր տարի կենտրոնի շահառուների համար կազմակերպվում է էքսկուրսիա քաղաքից դուրս տարբեր մշակութային և հոգևոր կենտրոններ, որը հնարավորություն է ընձեռում նրանց ծանոթանալ և հաղորդակցվել մշակութային և հոգևոր արժեքներին, ինչպես նաև ունենալ հագեցած և ժամանցային առօրյա:

Ժամանցի կազմակերպում

Կենտրոնի մտավոր խնդիրներ ունեցող երիտասարդները պարբերաբար մասնակցում են ցուցահանդես-վաճառքների և աշխատանքի տոնավաճառների, որտեղ հնարավորություն ունեն ներկայացնել իրենց ձեռքի աշխատանքները, որոնց արդյունքում զարգանում են նրանց աշխատանքային հմտությունները։